{"id":61343,"date":"2025-08-31T22:31:46","date_gmt":"2025-08-31T20:31:46","guid":{"rendered":"https:\/\/archicompostela.org\/?p=61343"},"modified":"2025-09-02T18:20:39","modified_gmt":"2025-09-02T16:20:39","slug":"cangas-celebra-a-festividade-do-santisimo-cristo-do-consolo","status":"publish","type":"post","link":"https:\/\/archicompostela.org\/gl\/cangas-celebra-a-festividade-do-santisimo-cristo-do-consolo\/","title":{"rendered":"Cangas celebra a festividade do Sant\u00edsimo Cristo do Consolo","raw":"Cangas celebra a festividade do Sant\u00edsimo Cristo do Consolo"},"content":{"rendered":"

A vila de Cangas<\/strong> viviu este domingo una das s\u00faas xornadas m\u00e1is sinaladas do calendario relixioso e festivo: a solemnidade do Sant\u00edsimo Cristo do Consolo.<\/strong> Tras o novenario e un triduo de preparaci\u00f3n predicado polo sacerdote diocesano Ernesto G\u00f3mez Juanatey,<\/strong> a localidade envorcouse cos actos lit\u00farxicos e a tradicional procesi\u00f3n que cada ano re\u00fane a centenares de fieis.<\/p>\n

Desde primeira hora desta ma\u00f1\u00e1, o templo parroquial abriu as s\u00faas portas para acoller aos devotos. A primeira eucarist\u00eda celebrouse \u00e1s 9:00 horas, mentres que \u00e1s 11:30 horas tivo lugar a misa principal, aplicada polos devotos do Sant\u00edsimo Cristo a intenci\u00f3n da Confrar\u00eda e presidida polo arcebispo de Santiago, monse\u00f1or Francisco Jos\u00e9 Prieto Fern\u00e1ndez<\/strong>. Xa pola tarde, \u00e1s 19:30 horas, celebrouse unha misa rezada tras a cal sa\u00edu \u00e1 r\u00faa a esperada procesi\u00f3n.<\/p>\n

O percorrido procesional<\/strong>, punto culminante da xornada, estivo encabezado pola venerada imaxe do \u201cRey inmortal\u201d, que volveu espertar o fervor e a emoci\u00f3n dos asistentes. Ao termo, \u00e1s portas da igrexa parroquial, ento\u00e1ronse os himnos da Salve mari\u00f1eira e do Cristo do Consolo<\/strong>, momentos nos que a devoci\u00f3n popular mesturouse co sentimento de pertenza a unha tradici\u00f3n que afunde as s\u00faas ra\u00edces na historia da vila.<\/p>\n

Durante a homil\u00eda da misa solemne, o arcebispo ofreceu unha visi\u00f3n inclusiva e esperanzadora da fe cristi\u00e1<\/strong>, lembrando que o amor de Dios abraza a toda a humanidade sen distinci\u00f3n. \u201cCristo \u00e9 de todos e para todos\u201d, proclamou, subli\u00f1ando que a fe aut\u00e9ntica non co\u00f1ece fronteiras nin etiquetas. A s\u00faa mensaxe convidou a vivir a espiritualidade como un espazo de encontro, unidade e comu\u00f1\u00f3n.<\/strong><\/p>\n

As\u00ed mesmo, ao f\u00edo das lecturas b\u00edblicas, mons. Prieto sinalou que o Evanxeo segue interpelando ao mundo actual<\/strong>, marcado por conflitos e desigualdades. Lembrou os nomes de territorios en guerra como Gaza e Ucra\u00edna, sen esquecer aquelas zonas de \u00c1frica ou Asia onde os enfrontamentos permanecen no esquecemento medi\u00e1tico. \u201cA paz \u2014advertiu\u2014 non se constr\u00fae con protagonismos est\u00e9riles, sen\u00f3n co servizo humilde, como o do propio Cristo<\/strong> que dixo: \u2018Non vin a que me sirvan, sen\u00f3n a servir\u2019\u201d.<\/p>\n

o prelado compostel\u00e1n tam\u00e9n abordou o valor da verdade, non como argumento te\u00f3rico, sen\u00f3n como experiencia vivida. \u201cA verdade do crucificado\u201d \u2014dixo\u2014 \u00e9 a que revela o amor inesgotable de Dios. Fronte \u00e1s mentiras e rumores que distorsionan a realidade, o arcebispo defendeu unha verdade que se encarna na entrega e o servizo.<\/strong><\/p>\n

Un dos piares da mensaxe de monse\u00f1or Prieto foi o amor entendido como unha experiencia compartida<\/strong>. Sinalou que amar non sempre \u00e9 f\u00e1cil, especialmente cando se fai desde o ego\u00edsmo. En lugar de centrarse no \u201ceu amo\u201d, convidou a descubrir o \u201cn\u00f3s somos amados\u201d,<\/strong> unha forma de conxugar o amor que reflicte apertura, fraternidade e pertenza. Porque o verdadeiro amor, dixo, non se imp\u00f3n nin se reclama: rec\u00edbese, comp\u00e1rtese e v\u00edvese en comunidade.<\/p>\n

No tramo final da s\u00faa intervenci\u00f3n, monse\u00f1or Prieto quixo ter unhas palabras de reco\u00f1ecemento para o p\u00e1rroco, Severo Lobato,<\/strong> a quen agradeceu publicamente a s\u00faa entrega e dispo\u00f1ibilidade no exercicio do seu ministerio durante estes anos. E conclu\u00edu confiando a todos os presentes \u00e1 intercesi\u00f3n da Virxe Mar\u00eda, lembrando as s\u00faas palabras en Can\u00e1: \u201cFacede o que vos diga o Cristo\u201d.<\/p>\n

\n
\n
<\/div>\n<\/div>\n<\/div>\n\r\n