{"id":60389,"date":"2025-07-16T23:17:04","date_gmt":"2025-07-16T21:17:04","guid":{"rendered":"https:\/\/archicompostela.org\/?p=60389"},"modified":"2025-07-18T10:09:15","modified_gmt":"2025-07-18T08:09:15","slug":"o-arcebispo-celebra-o-centenario-do-carmelo-en-a-coruna-tras-honrar-a-virxe-do-carme-en-santiago-e-muros","status":"publish","type":"post","link":"https:\/\/archicompostela.org\/gl\/o-arcebispo-celebra-o-centenario-do-carmelo-en-a-coruna-tras-honrar-a-virxe-do-carme-en-santiago-e-muros\/","title":{"rendered":"O arcebispo celebra o centenario do Carmelo en A Coru\u00f1a tras honrar \u00e1 Virxe do Carme en Santiago e Muros","raw":"O arcebispo celebra o centenario do Carmelo en A Coru\u00f1a tras honrar \u00e1 Virxe do Carme en Santiago e Muros"},"content":{"rendered":"

\u201cSe o coraz\u00f3n de Mar\u00eda est\u00e1 xunto ao noso, o noso coraz\u00f3n estar\u00e1 moi preto do coraz\u00f3n mesmo de seu fillo Xes\u00fas\u201d, afirmou hoxe o arcobispo de Santiago nunha xornada na que a Virxe do Carme, patroa do mar, volveu ser gu\u00eda de pescadores, mari\u00f1eiros e familias enteiras en Galicia.<\/strong><\/p>\n

\u00a0Hoxe cel\u00e9brase o D\u00eda das xentes do mar. Este ano, o lema \u201cMar\u00eda, gu\u00eda e esperanza nosa\u201d<\/strong> enmarca a celebraci\u00f3n dentro do Xubileu 2025 convocado polo Papa Francisco.<\/p>\n

Na arquidiocese de Santiago de Compostela, este d\u00eda v\u00edvese con particular intensidade, reflexo do arraigamento profundo que a devoci\u00f3n \u00e1 Virxe do Carme<\/strong>\u00a0mant\u00e9n nas localidades costeiras.<\/p>\n

A axenda do arcebispo estivo marcada por tres celebraci\u00f3ns significativas. \u00c1 primeira hora da ma\u00f1\u00e1 presidiu a Santa Misa no Convento dos Carmelitas de Santiago<\/strong>. \u00c1s 12:00 horas, desprazouse ata a vila mari\u00f1eira de Muros,<\/strong> onde celebrou a Eucarist\u00eda en honra \u00e1 Virxe do Carmen.<\/p>\n

\"\"<\/a>A festividade, profundamente enraizada no litoral galego, viviuse con devoci\u00f3n en Muros, como en tantas outras vilas mari\u00f1eiras. Tras a solemne misa e a ofrenda floral, a imaxe da Virxe foi trasladada en procesi\u00f3n ata o porto. Al\u00ed agard\u00e1bana decenas de embarcaci\u00f3ns engalanadas con bandeiras e flores, listas para acompa\u00f1ala pola r\u00eda. Foi un espect\u00e1culo cargado de fe, tradici\u00f3n e colorido, que reflectiu de novo a forza da devoci\u00f3n mari\u00f1eira galega.<\/p>\n

Ao seu regreso, a imaxe foi desembarcada e devolta \u00e1 s\u00faa capela entre aplausos e c\u00e1nticos. Os fieis, reunidos nun silencio emotivo, entoaron a salve, pechando as\u00ed unha xornada que reafirmou a uni\u00f3n destas comunidades coa s\u00faa protectora do mar.<\/p>\n

Centenario das Carmelitas Descalzas na Coru\u00f1a <\/strong><\/p>\n

Pola tarde, monse\u00f1or Francisco Jos\u00e9 Prieto presidiu a Eucarist\u00eda nas Madres Carmelitas Descalzas da Coru\u00f1a<\/strong> \u00e1s 19:30 horas, nunha celebraci\u00f3n especialmente significativa por cumprirse o centenario da s\u00faa presenza na cidade.<\/p>\n

Este mosteiro, fundado en xullo de 1925,<\/strong> cumpre cen anos de historia, oraci\u00f3n e entrega. Chegaron ao Monti\u00f1o \u2013actual parroquia de Santa Tareixa de Xes\u00fas\u2013 nun contexto complexo, procedentes de M\u00e9xico e tras pasar por Cuba e Madrid, ata asentarse definitivamente na Coru\u00f1a. Desde 1964, contin\u00faan a s\u00faa misi\u00f3n en Eir\u00eds, hoxe parroquia de San Xo\u00e1n Bautista, onde a s\u00faa vida de oraci\u00f3n e clausura converteuse nun piar silencioso de fe e esperanza para moitas xeraci\u00f3ns.<\/p>\n

Antes de comezar a Eucarist\u00eda, leuse unha bendici\u00f3n enviada polo Papa Le\u00f3n XIV<\/strong> dirixida ao arcebispo e \u00e1 comunidade carmelita. Nela, o Pont\u00edfice confioulles a tarefa de ser \u201ctestemu\u00f1as luminosas de esperanza na vida da Igrexa\u201d. <\/strong><\/p>\n

O arcebispo comezou a s\u00faa homil\u00eda lembrando a chegada das carmelitas e a historia da s\u00faa fundaci\u00f3n, compar\u00e1ndoa coa imaxe b\u00edblica do profeta El\u00edas, que contempla unha pequena nube no medio da seca<\/strong>: \u201cTras aquela pequena nube chega unha choiva que fecunda a terra\u201d. Esta met\u00e1fora foi utilizada para expresar como a presenza contemplativa do Carmelo veu empapando espiritualmente \u00e1 diocese e \u00e1 cidade da Coru\u00f1a ao longo de cen anos.<\/p>\n

Monse\u00f1or Prieto Fern\u00e1ndez subli\u00f1ou o rol fundamental de Mar\u00eda na vida da comunidade e en cada fiel.<\/strong> \u201cSe o coraz\u00f3n de Mar\u00eda, a nosa nai, ou o noso, est\u00e1 xunto ao de Mar\u00eda, a nosa nai, tede, por certo, que o noso coraz\u00f3n estar\u00e1 moi preto do coraz\u00f3n mesmo do seu fillo Jes\u00fas\u201d. Esta proximidade, explicou, \u00e9 o n\u00facleo da misi\u00f3n carmelita, vivida desde o silencio e a oraci\u00f3n, e allea \u00e1 procura de visibilidade ou protagonismo.<\/p>\n

O prelado compostel\u00e1n trazou un paralelismo entre o estilo de vida do Carmelo e os valores que imperan na sociedade actual. Neste sentido, afirmou que\u00a0 a vida carmelita representa \u201cunha vida oculta, silenciosa, discreta\u201d, na que o tempo se transforma en graza, fraternidade e esperanza compartida: \u201caqu\u00ed o tempo faise amor que vincula\u201d. <\/strong><\/p>\n

Unha das invitaci\u00f3ns centrais do arcebispo foi a vivir unha liberdade interior inspirada no amor divino<\/strong>. Citando a Santa Tareixa, o arcebispo animou aos presentes para \u201cser fillos valentes de Mar\u00eda\u201d e lembrou que esta liberdade non \u00e9 eficacia nin produtividade, sen\u00f3n comu\u00f1\u00f3n e entrega. \u201cDeus nunca empuxa. Deus non obriga. Deus estende a man. Deus prop\u00f3n: \u2018D\u00e9ixate querer por Deus\u2019\u201d. <\/strong><\/p>\n

O arcebispo evocou a escena evanx\u00e9lica na que a Virxe permanece en silencio aos p\u00e9s da cruz<\/strong>, e desde al\u00ed \u00e9 ofrecida como nai a toda a Igrexa. \u201cAl\u00ed estaba a nai aos p\u00e9s da cruz. Silencio. Al\u00ed estaba aquela muller que… permanece, est\u00e1 e ama en silencio\u201d.<\/p>\n

A homil\u00eda conclu\u00edu cun chamamento para acoller aos demais coa mesma gratuidade coa que se acolle a Mar\u00eda como nai: \u201cA fraternidade vivida desde Deus e na fe non escolle nin refuga, sen\u00f3n que acolle e recibe con fe, deixando atr\u00e1s t\u00f3picos e prexu\u00edzos\u201d. O arcebispo pediu que cada persoa reco\u00f1\u00e9zase como \u201cun don de Dios para os outros<\/strong>\u201d, e que, desde esa convicci\u00f3n, se viva o encontro cos irm\u00e1ns co coraz\u00f3n aberto.<\/p>\n

As\u00ed, entre mareas de devoci\u00f3n e silencios de clausura, a arquidiocese de Santiago viviu un 16 de xullo que lembrou que a Virxe do Carme<\/strong>\u00a0non \u00e9 s\u00f3 protectora de barcos e redes, sen\u00f3n nai que abraza<\/strong> a cada persoa en “as s\u00faas tormentas”. Mentres as xentes do mar honr\u00e1bana con flores e bandeiras na auga, as carmelitas descalzas da Coru\u00f1a celebraban cen anos de oraci\u00f3n calada, como esa pequena nube que, sen facer ru\u00eddo, trae a choiva que fecunda a terra e a vida, lembrando que a verdadeira esperanza non fai alarde: simplemente permanece, est\u00e1 e ama.<\/strong><\/p>\n

\n
@archicompostela<\/a> <\/p>\n

El arzobispo de Santiago de Compostela, monse\u00f1or Francisco Jos\u00e9 Prieto presidi\u00f3, el mi\u00e9rcoles 16 de julio, la Eucarist\u00eda en las Madres Carmelitas Descalzas de A Coru\u00f1a, en una calebraci\u00f3n especialmente significativa por cumplirse el centenario de su presencia en la ciudad.#archicompostela<\/a> #monsfranciscoprieto<\/a><\/p>\n

\u266c sonido original – archicompostela – archicompostela<\/a> <\/section>\n<\/blockquote>\n