{"id":59902,"date":"2025-06-19T17:49:50","date_gmt":"2025-06-19T15:49:50","guid":{"rendered":"https:\/\/archicompostela.org\/?p=59902"},"modified":"2025-06-25T09:28:03","modified_gmt":"2025-06-25T07:28:03","slug":"funeral-polo-m-i-mons-salvador-domato-bua-coengo-da-catedral-director-do-arquivo-historico-diocesano-e-parroco-da-corticela","status":"publish","type":"post","link":"https:\/\/archicompostela.org\/gl\/funeral-polo-m-i-mons-salvador-domato-bua-coengo-da-catedral-director-do-arquivo-historico-diocesano-e-parroco-da-corticela\/","title":{"rendered":"Funeral polo M. I. Mons. Salvador Domato B\u00faa, c\u00f3engo da Catedral, director do Arquivo Hist\u00f3rico Diocesano e p\u00e1rroco da Corticela","raw":"Funeral polo M. I. Mons. Salvador Domato B\u00faa, c\u00f3engo da Catedral, director do Arquivo Hist\u00f3rico Diocesano e p\u00e1rroco da Corticela"},"content":{"rendered":"
\n
\n
\n
Aos p\u00e9s do altar onde tantas veces presidiu a Eucarist\u00eda, a Catedral de Santiago acolleu este xoves a solemne Misa Funeral \u201ccorpore insepulto\u201d polo eterno descanso de don Salvador Domato B\u00faa, sacerdote diocesano, c\u00f3engo da SAMI Catedral e director do Arquivo Hist\u00f3rico Diocesano e p\u00e1rroco de Santa Mar\u00eda da Corticela.<\/div>\n
<\/div>\n
A celebraci\u00f3n estivo presidida polo arcebispo de Santiago, monse\u00f1or Francisco Jos\u00e9 Prieto Fern\u00e1ndez, e reuniu a familiares, fieis, amigos e m\u00e1is dun centenar de sacerdotes que quixeron renderlle a \u00faltima homenaxe.<\/div>\n
<\/div>\n
Ao comezo da Eucarist\u00eda acendeuse o Cirio Pascual, signo da esperanza na Resurrecci\u00f3n. O f\u00e9retro, colocado fronte ao altar maior, foi recuberto cunha casulla sacerdotal, sobre a que repousaban os Santos Evanxeos, subli\u00f1ando as\u00ed o ministerio e a misi\u00f3n que marcaron a vida do falecido: a de anunciar e vivir o Evanxeo como sacerdote de Cristo.<\/div>\n
\nConcelebraron con mons. Prieto, o arcebispo em\u00e9rito de Santiago, monse\u00f1or Juli\u00e1n Barrio Barrio; o arcebispo em\u00e9rito de T\u00e1nxer, frei Santiago Agrelo Mart\u00ednez; o bispo em\u00e9rito de Tuy-Vigo, monse\u00f1or #Luis Quinteiro Fiuza; e o bispo de Ourense, monse\u00f1or Leonardo Lemos Montanet. Acompa\u00f1\u00e1banlles tam\u00e9n os membros do cabido catedralicio e compa\u00f1eiros sacerdotes, testemu\u00f1as da longa e fecunda traxectoria de don Salvador ao servizo de la Iglesia compostel\u00e1.<\/div>\n
<\/div>\n
Durante a homil\u00eda, monse\u00f1or Prieto ofreceu unha meditaci\u00f3n cargada de gratitude e esperanza cristi\u00e1, na que destacou a figura de don Salvador como exemplo de fidelidade sacerdotal vivida con entrega e humildade. Dedicou palabras de consolo e agradecemento \u00e1 s\u00faa familia e \u00e1 comunidade eclesial que o acompa\u00f1ou ao longo da s\u00faa vida.<\/div>\n
<\/div>\n
O arcebispo evocou tam\u00e9n o modo en que don Salvador viviu a s\u00faa vocaci\u00f3n, con fondura, sinxeleza e unha memoria agradecida: \u201cMoi amigo dos amigos, moi pr\u00f3ximo sempre naqueles aos que cotidianamente viv\u00eda e conviv\u00eda\u201d, lembrou. E engadiu que na s\u00faa fraxilidade nos \u00faltimos anos segu\u00eda mostrando esa cordialidade coa que compart\u00eda o recordo de momentos vividos con intensidade.<\/div>\n
<\/div>\n
Subli\u00f1ou ademais o seu papel fundamental como custodio da memoria de la Iglesia compostel\u00e1 desde o Arquivo Hist\u00f3rico Diocesano, onde a s\u00faa tarefa, m\u00e1is al\u00f3 do administrativo, foi un acto de amor e fidelidade \u00e1 historia com\u00fan da fe.<\/div>\n
<\/div>\n
Facendo s\u00faas as palabras do Papa Francisco, o arcebispo lembrou que a vida de cada persoa \u00e9 unha misi\u00f3n, e que esa misi\u00f3n concr\u00e9tase na santidade coti\u00e1, vivida na familia, no sacerdocio, na vida consagrada ou no traballo diario.<\/div>\n
<\/div>\n
O prelado compostel\u00e1n exhortou a todos os presentes, especialmente aos sacerdotes, a vivir con plenitude a vocaci\u00f3n recibida e a cami\u00f1ar cada d\u00eda coa l\u00e1mpada acesa, en actitude de servizo e entrega: \u201cO Se\u00f1or preguntar\u00e1 polo peso da nosa vida, que non ser\u00e1 unha acumulaci\u00f3n daquilo que se cadra nos poida parecer o m\u00e1is cegador, sen\u00f3n sempre quedar\u00e1\u2026 como vivimos, como amamos, como demos a vida que se nos confiou\u201d.<\/div>\n
<\/div>\n
Ao conclu\u00edr a celebraci\u00f3n, e tras os ritos de despedida, o corpo de don Salvador Domato B\u00faa foi trasladado e sepulto no Claustro da Catedral, no coraz\u00f3n da que foi a s\u00faa casa espiritual e ministerial durante d\u00e9cadas. Un xesto profundamente simb\u00f3lico que selou a s\u00faa uni\u00f3n definitiva coa Igrexa \u00e1 que serviu.<\/div>\n
<\/div>\n
Nun ambiente de recollemento, oraci\u00f3n e esperanza na vida eterna, os asistentes despediron a un home cuxa vida foi testemu\u00f1o silencioso pero firme de fidelidade evanx\u00e9lica. A misa conclu\u00edu cunha oraci\u00f3n com\u00fan pola s\u00faa alma e pola vocaci\u00f3n sacerdotal, \u201cpara que nesta vi\u00f1a que o Se\u00f1or nos conf\u00eda \u2014dixo monse\u00f1or Prieto\u2014 siga vendo ese espertar da vida como unha vocaci\u00f3n vivida con fondura\u201d.<\/div>\n
<\/div>\n
Don Salvador Domato B\u00faa deixa tras de si o testemu\u00f1o dunha vida entregada \u00e1 Igrexa diocesana de Santiago, tanto no servizo pastoral como na conservaci\u00f3n da s\u00faa memoria e a s\u00faa historia. O seu recordo perdurar\u00e1 non s\u00f3 nos arquivos que coidou con esmero, sen\u00f3n nas vidas de quen lle co\u00f1eceu e compartiron con el a fe e o cami\u00f1o.<\/div>\n
<\/div>\n
O Excmo. Cabildo da SAMI Catedral de Santiago de Compostela roga a participaci\u00f3n nas Misas que, polo seu eterno descanso, celebraranse o 25 de xu\u00f1o, o 3 de xullo e o 18 de xullo.<\/div>\n<\/div>\n<\/div>\n<\/div>\n