{"id":59708,"date":"2025-06-08T01:55:06","date_gmt":"2025-06-07T23:55:06","guid":{"rendered":"https:\/\/archicompostela.org\/?p=59708"},"modified":"2025-06-09T11:20:13","modified_gmt":"2025-06-09T09:20:13","slug":"xubileu-do-apostolado-segrar","status":"publish","type":"post","link":"https:\/\/archicompostela.org\/gl\/xubileu-do-apostolado-segrar\/","title":{"rendered":"Xubileu do Apostolado Segrar","raw":"Xubileu do Apostolado Segrar"},"content":{"rendered":"

Este s\u00e1bado, 7 de xu\u00f1o, Ribeira foi o escenario da celebraci\u00f3n do Xubileu do Apostolado<\/strong>, un encontro diocesano enmarcado dentro do D\u00eda da Acci\u00f3n Cat\u00f3lica e do Apostolado Segrar.<\/strong> Baixo o lema \u201cTestemu\u00f1as de esperanza no mundo\u201d<\/em>,<\/strong> a xornada congregou a numerosos fieis e representantes de distintas realidades eclesiais, nun ambiente participativo e profundamente comunitario.<\/p>\n

O d\u00eda comezou cun momento de oraci\u00f3n preparado pola Acci\u00f3n Cat\u00f3lica Xeral de Santiago de Compostela, como forma de sintonizar espiritualmente co sentido do encontro. A continuaci\u00f3n, Paco Dur\u00e1n<\/strong> impartiu unha charla centrada no itinerario \u201cPresencia na vida p\u00fablica\u201d,<\/em> unha das li\u00f1as pastorais xurdidas do Congreso de Laicos 2020. Na s\u00faa intervenci\u00f3n, Dur\u00e1n insistiu na importancia dunha Igrexa en sa\u00edda, misioneira, que saiba dar testemu\u00f1o a trav\u00e9s do anuncio e tam\u00e9n da denuncia, cunha presenza significativa nos \u00e1mbitos familiares, sociais e pol\u00edticos.<\/p>\n

Durante a ma\u00f1\u00e1, os asistentes traballaron en grupos para reflexionar sobre como constru\u00edr comunidades cristi\u00e1s abertas e samaritana, capaces de xerar v\u00ednculos na sociedade. Debateuse tam\u00e9n sobre a necesidade de cami\u00f1ar cara a unidades pastorais que fomenten a corresponsabilidade entre sacerdotes, laicos e persoas consagradas, e como isto infl\u00fae directamente na misi\u00f3n evanxelizadora. Insistiuse na importancia de ser testemu\u00f1as de fe nas contornas coti\u00e1s: no traballo, na familia, entre os amigos. Todo iso desde unha actitude activa e atenta \u00e1s realidades que nos rodean, seguindo a metodolox\u00eda do \u201cver, xulgar e actuar\u201d.<\/p>\n

Tras un xantar compartido nun ambiente distendido e fraterno, celebrouse unha mesa de experiencias, moderada polo seminarista Francisco<\/strong>, que desempe\u00f1a a s\u00faa experiencia pastoral en UPA de Ribeira, e na que participaron seis persoas da comarca do Barbanza. Manuel Angel Reiriz<\/strong>, presidente dunha asociaci\u00f3n de mariscadores e voluntario con persoas con discapacidade intelectual, compartiu a s\u00faa vivencia de fe. Sandra Lij\u00f3,<\/strong> enfermeira e colaboradora da pastoral penal, falou sobre como a s\u00faa fe infl\u00fae no coidado dos pacientes. Manolo Reiriz<\/strong>, empresario xubilado e exconcejal, relatou a s\u00faa implicaci\u00f3n na mellora da s\u00faa parroquia desde diferentes \u00e1mbitos sociais, pol\u00edticos e eclesiais.<\/p>\n

Tam\u00e9n intervi\u00f1eron Sara Franco Pati\u00f1o<\/strong>, educadora social de C\u00e1ritas, que destacou a importancia do acompa\u00f1amento como medio para constru\u00edr comunidade; \u00c1ngeles Cores,<\/strong> actual presidenta de Cruz Vermella en Ribeira e exmiembro activo de Acci\u00f3n Cat\u00f3lica, que subli\u00f1ou a necesidade de conectar coas novas xeraci\u00f3ns; e Mallerly Saucea,<\/strong> unha muller migrante de Colombia que, tras chegar sen recursos, atopou acollida e apoio en C\u00e1ritas parroquial. Todos eles mostraron como a fe se traduce en compromiso concreto e transformador.<\/p>\n

A xornada conclu\u00edu cun xesto xubilar simb\u00f3lico: os participantes depositaron os seus compromisos persoais nunha barca, como signo do seu desexo de transformaci\u00f3n persoal e social. O percorrido cara ao templo estivo marcado por un cami\u00f1o con pedras e flores: as pedras simbolizaban o sufrimento, as dificultades e os fracasos; as flores, en cambio, representaban a presenza \u2014\u00e1s veces tenue, pero real\u2014 de Dios no medio da vida coti\u00e1.<\/p>\n

Finalmente, celebrouse a Vixilia de Pentecost\u00e9s, presidida polo arcebispo de Santiago, monse\u00f1or Francisco Prieto.<\/strong> A Eucarist\u00eda foi animada polo coro parroquial e culminou cunha colecta solidaria destinada ao proxecto Vagalume<\/em> de C\u00e1ritas, que atende na diocese a persoas v\u00edtimas de trata laboral e sexual.<\/p>\n

Na s\u00faa homil\u00eda, o arcebispo destacou o valor da comu\u00f1\u00f3n e a unidade, utilizando a imaxe da barca para convidar a superar o individualismo: \u201cNon construamos nosas propias lanchas, que non chegan a porto. Subamos xuntos \u00e1 barca de Cristo, que \u00e9 a barca com\u00fan de la Iglesia\u201d. Tam\u00e9n agradeceu o esforzo da unidade pastoral de Ribeira e da Delegaci\u00f3n de Apostolado Seglar pola s\u00faa implicaci\u00f3n na organizaci\u00f3n deste evento tan significativo para a Igrexa diocesana.<\/p>\n\r\n