{"id":32730,"date":"2024-05-06T01:50:41","date_gmt":"2024-05-05T23:50:41","guid":{"rendered":"https:\/\/archicompostela.es\/?p=31209"},"modified":"2024-10-24T10:28:42","modified_gmt":"2024-10-24T08:28:42","slug":"mons-francisco-prieto-cada-vez-que-acompanamos-e-consolamos-o-enfermo-caminamos-con-cristo","status":"publish","type":"post","link":"https:\/\/archicompostela.org\/gl\/mons-francisco-prieto-cada-vez-que-acompanamos-e-consolamos-o-enfermo-caminamos-con-cristo\/","title":{"rendered":"Mons. Francisco Prieto: \u201cCada vez que acompa\u00f1amos e consolamos o enfermo, cami\u00f1amos con Cristo\u201d","raw":"Mons. Francisco Prieto: \u201cCada vez que acompa\u00f1amos e consolamos o enfermo, cami\u00f1amos con Cristo\u201d"},"content":{"rendered":"

A Arquidiocese de Santiago de Compostela, unida \u00e1 Igrexa universal celebrou, hoxe 5 de maio, a Pascua do Enfermo co lema \u201cDar esperanza na tristeza\u201d<\/strong>, unha mensaxe que quere lembrar a alegr\u00eda da Resurrecci\u00f3n, neste tempo pascual.<\/p>\n

Para conmemorar esta data, o arcebispo de Santiago, monse\u00f1or Francisco Prieto,<\/strong> presidiu hoxe domingo, \u00e1s 19:30hs, na Parroquia de San Esteban de Paleo<\/strong> de Carral, unha Eucarist\u00eda, na que estivo acompa\u00f1ado, ademais do p\u00e1rroco Juan Carlos Novo, de varios sacerdotes de diferentes parroquias da Diocese e dun di\u00e1cono, polo delegado para o Desenvolvemento Humano e Integral, Jos\u00e9 Ram\u00f3n Amor Pan. No transcurso da mesma impartiuse a unci\u00f3n de enfermos a un numeroso grupo de persoas.<\/p>\n

\"\"<\/a>Na homil\u00eda, o arcebispo destacou, por mor do lema da Xornada do Enfermo deste ano, que s\u00f3 se pode dicir que se co\u00f1ece e se ama a Deus \u201ccando permanecemos no amor que recibimos,<\/strong> soamente cando amamos como El nos amou\u201d.<\/p>\n

Mons. Prieto afirmou que cando un di que ama, ten que vir acompa\u00f1ado polo xesto, pola presenza e pola compa\u00f1\u00eda e o consolo<\/strong>. Tam\u00e9n lembrou como Cristo se fai presente na enfermidade, na fraxilidade, no coraz\u00f3n e na vida do enfermo \u201cpara acompa\u00f1ar, para sandar con ese sandar profundo interior de dentro, e \u00e9 ent\u00f3n cando ese sandar ser converte nunha das expresi\u00f3ns m\u00e1is profundas, m\u00e1is aut\u00e9nticas, dese amor m\u00e1is grande, como di Xes\u00fas no Evanxeo, aquel que d\u00e1 a vida polos amigos\u201d.<\/p>\n

O arcebispo destacou que cada vez que se acompa\u00f1a e se consola o enfermo, cada vez que se est\u00e1 ao seu lado, que se cami\u00f1a con el na enfermidade \u201ccami\u00f1amos con Cristo. A\u00ed esp\u00e9ranos\u201d<\/strong>.<\/p>\n

No contexto das preparaci\u00f3ns para o Xubileu 2025, D. Francisco animou a disipar as tristezas e amarguras para unxir \u201co coraz\u00f3n desta sociedade coa esperanza que nos v\u00e9n do Se\u00f1or (\u2026) e mostrar unha esperanza<\/strong> que nos v\u00e9n daquel que nos lembra, que s\u00f3 cando amamos, vivimos; s\u00f3 cando amamos, mostramos o coraz\u00f3n dunha humanidade que o \u00e9 verdadeiramente\u201d.<\/p>\n

\"\"<\/a><\/p>\n

\n
\n
\n
Tivo tam\u00e9n palabras de agradecemento para o persoal sanitario<\/strong> nos hospitais, aos que coidan aos enfermos nas residencias, \u00e1s persoas que coidan e acompa\u00f1an os enfermos de maneira voluntaria: \u201cdesexo dar grazas por todos e cada un de v\u00f3s, sen nomes propios, sen\u00f3n co \u00fanico nome daquel que sabe que o amor, cando toma carne en n\u00f3s, \u00e9 un amor que nos leva a tocar sen vergo\u00f1a e sen reparo a carne ferida dos nosos irm\u00e1ns\u201d.<\/div>\n
<\/div>\n
O arcebispo pediu mirar e ter mirada de fe co que est\u00e1 \u00e1 beira<\/strong>, \u201cporque que importante \u00e9 que como Deus mira o coraz\u00f3n do home, saibamos mirar o coraz\u00f3n do irm\u00e1n, e a\u00ed, se hai feridas cur\u00e9molas, a\u00ed demos grazas a Deus, porque sempre nos agarda para sandarnos e conv\u00eddannos a ser eses sanadores que po\u00f1amos esperanza onde hai tristeza, e que convertamos a fricci\u00f3n no gozo que brota daquel que sabe que ten unha esperanza que nunca decae\u201d.<\/div>\n
<\/div>\n
A Pascua do Enfermo pon fin \u00e1 Campa\u00f1a que a Igrexa en Espa\u00f1a iniciou o 11 de febreiro, festividade da Virxe de Lourdes, coa Xornada do Enfermo a nivel mundial e pechouse hoxe, coa Pascua do Enfermo, un d\u00eda no que as comunidades parroquiais oran con e polos enfermos<\/strong>, moi especialmente polos que est\u00e1n s\u00f3s, polos que experimentan sentimentos de tristeza, desesperanza ou des\u00e1nimo.<\/span><\/a><\/div>\n
<\/div>\n<\/div>\n<\/div>\n<\/div>\n