{"id":22427,"date":"2022-02-05T00:04:40","date_gmt":"2022-02-04T23:04:40","guid":{"rendered":"https:\/\/archicompostela.es\/?p=22427"},"modified":"2024-10-24T10:25:04","modified_gmt":"2024-10-24T08:25:04","slug":"carta-de-monsenor-barrio-para-a-xornada-do-enfermo-a-misericordia-fala-un-idioma-que-e-universal","status":"publish","type":"post","link":"https:\/\/archicompostela.org\/gl\/carta-de-monsenor-barrio-para-a-xornada-do-enfermo-a-misericordia-fala-un-idioma-que-e-universal\/","title":{"rendered":"Carta de Monse\u00f1or Barrio para a Xornada do Enfermo: \u201cA misericordia fala un idioma que \u00e9 universal\u201d","raw":"Carta de Monse\u00f1or Barrio para a Xornada do Enfermo: \u201cA misericordia fala un idioma que \u00e9 universal\u201d"},"content":{"rendered":"

Hai trinta anos, san Xo\u00e1n Paulo II institu\u00edu a Xornada Mundial do Enfermo para sensibilizar o Pobo de Deus, as instituci\u00f3ns sanitarias cat\u00f3licas e a sociedade civil sobre a necesidade de asistir os enfermos e a quen os coida.<\/p>\n

Cada 11 de febreiro, festividade da nosa Se\u00f1ora de Lourdes, a Iglesia celebra tam\u00e9n esta xornada para simbolizar a vontade de po\u00f1erse ao servizo do outro, do pr\u00f3ximo, para axudalo e acompa\u00f1alo no seu padecemento. Con tal motivo o arcebispo de Santiago, mons. Juli\u00e1n Barrio, dirixiu a todos os diocesanos unha Carta Pastoral.<\/p>\n

Comeza o prelado compostel\u00e1n sinalando que este ano se nos pide: \u201cSede misericordiosos como o voso Pai \u00e9 misericordioso\u201d, lema elixido polo Papa Francisco co que se chama a toda a Igrexa a vivir a experiencia da misericordia co enfermo. Esta, contin\u00faa D. Juli\u00e1n \u201c\u00e9 visible e palpable na tenrura dos que coidan os m\u00e1is fr\u00e1xiles e necesitados, no perd\u00f3n mutuo e no sacramento da reconciliaci\u00f3n\u201d.<\/p>\n

Na s\u00faa misiva mons. Barrio afirma que \u201cning\u00fan de n\u00f3s pode dicir que non necesita da misericordia de Deus e da dos demais. E os demais esperan sempre a nosa actitude misericordiosa para ser mirados cos ollos do coraz\u00f3n\u201d.<\/p>\n

O arcebispo destaca ademais que Cristo \u00e9 o rostro da misericordia do Pai, un Pai que non cesou de dar a co\u00f1ecer en varios modos e en tantos momentos da historia a s\u00faa natureza divina. E engade que os que m\u00e1is de preto viven este misterio son aqueles homes e mulleres que experimentan a tenrura de Deus. Neste sentido, afirma que “a misericordia fala un idioma que \u00e9 universal. Todos fomos testemu\u00f1as dela e experiment\u00e1mola ao longo da vida na tenrura e coidado que nos ofrecen os demais nas diferentes etapas da nosa vida e, sobre todo na experiencia da enfermidade\u201d.<\/p>\n

Mons. Barrio recolle das Sagradas Escrituras algunhas experiencias de leprosos, marxinados, enfermos\u2026 afirmando que \u201cson iconas vivas onde todos podemos contemplar e deixarnos facer por misericordia\u201d.<\/p>\n

O arcebispo fai unha referencia especial a todo o persoal sanitario no delicado coidado dos enfermos nos hospitais: \u201cCompartindo a debilidade das persoas enfermas t\u00e1llanse para si un coraz\u00f3n misericordioso\u201d.<\/p>\n

Termina a s\u00faa carta convidando a mirar a Mar\u00eda con estas palabras: \u201cMar\u00eda \u00e9 nai de misericordia, t\u00edvoa no seu seo e sost\u00edvoa nos seus brazos; puido nacer dela, porque se fixo humilde serva da Palabra de Deus. A v\u00f3s, queridos enfermos e enfermas, t\u00e9\u00f1ovos moi presentes na mi\u00f1a oraci\u00f3n coa intercesi\u00f3n da Virxe Mar\u00eda, sa\u00fade dos enfermos\u201d.<\/p>\n

 <\/p>\n