Na tarde de hoxe, m\u00e9rcores 12 de xaneiro, o Cabido da SAMI Catedral de Santiago, en presenza do Bispo Auxiliar e membros da Curia Diocesana, entregou ao Excmo. e Rvdmo. Sr. Arcebispo un retrato realizado polo reco\u00f1ecido artista D. Manuel Quintana Martelo, Presidente da Real Academia Galega de Belas Artes. Tr\u00e1tase dunha obra na que se combina maxistralmente o realismo minucioso dos detalles, que denotan a s\u00faa depurada t\u00e9cnica acad\u00e9mica, con manchas de cor que, como firma de autor, sit\u00faan a creaci\u00f3n no \u00e1mbito da contemporaneidade.<\/p>\n
Procedeuse, igualmente, a descubrir no pano m\u00e1is occidental do peche da Catedral na praza de Acibecher\u00eda, m\u00e1is al\u00f3 dos l\u00edmites da fachada do transepto norte, concretamente \u00e1 altura da capela da Comu\u00f1\u00f3n, o recentemente labrado escudo do Arcebispo.<\/p>\n
Rem\u00e1tase dese modo un espazo concibido e preparado para acoller un escudo episcopal que nunca chegou a executarse; destinado -quizais- a exhibir as armas do arcebispo Raxoi ou alg\u00fan dos seus sucesores na s\u00e9 compostel\u00e1. Deste xeito quedar\u00e1 para a Historia a memoria en pedra dun pontificado durante o cal a Catedral viviu un intenso programa de restauraci\u00f3n\/rehabilitaci\u00f3n.<\/p>\n
Neste caso tratouse, igualmente, de preservar os modelos propios destas representaci\u00f3ns her\u00e1ldicas con li\u00f1as e volumes que, evitando a emulaci\u00f3n barroca, resulten mais acordes a este tempo. Obra que realizou D. F\u00e9lix Gil.<\/p>\n
Durante o acto de entrega, o De\u00e1n da Catedral, D. Jos\u00e9 Fern\u00e1ndez Lago, dirixiu unhas palabras ao Arzobispo, destacando a s\u00faa colaboraci\u00f3n pr\u00f3xima e comprometida con todo o relacionado coa Catedral. Pola s\u00faa banda, o Arcebispo, D. Juli\u00e1n Barrio, respondeu cunhas cari\u00f1osas palabras de agradecemento, a todo o Cabido e aos seus colaboradores pr\u00f3ximos, destacando a importancia do traballo conxunto durante os seus 26 anos de pontificado.<\/p>\n\r\n